Barriisimo wanaagsan dhamaantiin
"XOORKII LAGA DHAMAY XAGAAGII HORIYO,
XUSUUSBAA GEELLA LAGU XERGEEYAA......."
Hobolkee amabase hoballadee ayaa ugu cod wanaagsan Soomaalida ? waxan
filayaa inaad hore u maqashay su'aashan oo kale, nasiibdarose ma jirto
jawaab kali ah oo ay dhamaan dadku isu raacaan. Sababtu waxay tahay
ayaan filayaa fanka oo ah sida cuntada oo kale, dadkuna kala dhadhan duwanyahay. Bal ka waran hadaad qoraalkan akhrisato, dabeedna aad
adigu su'aasha garsoore ka noqoto ?.
AYAAN BI'INOO BADA ILA DHURA. Diyaar ma u tahay heesihii hore, kuwii
dhexe iyo kuwii danbe ee Magool, waa kuwane dhexda xidho oo jilbaha
dhig.
Aan ku bilowno Magool oo jacayl dhabadhabeeyay, shinbirrona
fariimaynaysa:
Shinbiryahow ma duushaa Ma dabaylo raacdaa
Dadka ma u adeegtaa Oo ma u dadaashaa
Dalanbaabi baan ahay Daalaa-dhacaayee
Kala qaad dibnaha oo Dal yaqaan ma tahayoo
Degmadii fogaatiyo Meeshii laguu diro
Dawgeed ma garataa!!!!!!!!!!
(Waah-waah, NABAADKAANA MUUDSOO NAA MAXAAD TIDHI????)
Markan waa Magool oo haasaawaha jacayl la dalandalinaysa Samatar, si
qayaxana ugu leh: waar ninyahow, DAGAAL HORTII HUB SAMAYSO, XAAS
HORTIINA XOOLO DHAQO. Caashaqana iska ilow!!!!!!!!!!!!!!!!!!!!!!!!!
Samatar:Cashaduu Illaahay Caradeena joojee.....
Cimrigeed aduunyada Waxa jiray col iyo nabad
Caydh iyo nin xoollole Iyo laba is caashaqay
Caawana kamay tagin Caynkaynu ku ogayn
Adna calafka kuu qoran Cuno seegi maayee
CAASHAQA HA BAAYICIN!!!!!!!!!! Magool:................................
Cashadii timaadaba Dadka ruux cadibanoo
Waayuhu ku ciiriyo Mid carruusayaa jiroo
Caad igama saaree Cilmiyada Illaahay
Anigoo an caasiyin Cabsi haygu galinine
Noloshaydaa caydhiyo CILMI GUUR AAN KU FADHIYIN
Ku caarcaari maayee CAASHAQA ISKA ILOW!!!!!!! Aaaaaaax, maansha horaba loo yidhi: AF, AF LOO WAAYAY BAA BA'AY!
Magool miyaanad nabsi ka cabsanaynin, inan rag sidaas looma galo'e ?
Ka rog oo hadana saar, HAGARDAAMADA GUURKA, HAWEENKAA KA MASUUL AH!
ma runbaa ? Waa Magool oo markan jacaylku soo ritay, laqanyadiisiina
laabta u fadhido:
Magool:...Naftaad baaxadsooraha Bukaan uga maciintaa
Kuu beeraqaysee Ha ka goyn barriidada
Nimba waa mare, mus ma kula koray, imisaan Magooley ragga sidan ka daa
ku idhi!, oo waliba waxaa ay ku sii dartay:
Magool:Waxaa goranyo-cawshuba
Ubadka u carbinaysaa.....
Ana ciirsi adigaan
Noolaha cariga jira
kaa caleemo saartee
Ugub caashaq keeniyo
cawo dhalad hadaan ahay
CAAFIMAADSAN KUU YEEL!!!! (Oof-oof, waxaasaa coda)
Oo horta maxaa Magool badi dadku ku jeclaadeen ? Ma indhaha ay sida layaabkale uga ciyaarsiiso, ma luqunta sida goray-haldhaaga hadba ay
gees u wareejiso, mise jiiddida luuqda ee lagu daba harraaday ? waa
yaab, waa yaab....
Mar ay Kuluc haasaawaha jacayl la daadihinaysay waayo-waayo, waxay is yidhaahdeen "I MAAWEELI IYO I MADADAALI":
Kuluc: Marwoy hoy inaabti
Heedhe Magooley,hoy inaabti
Marwoy hoy-hooy
Magool: Waa maxay mudanow,hoy-hooy
Kuluc: I madadaali, daali
I maaweeli, weeli
Magool: Maxaa ku daaray
Kuluc : Mooyi!!!
Miyaad i moogtay
Magool : Maya!!!
Kuluc: Mid kula midaboo
Kula mid ah
Ma arag,
Indho dhagana may maqal
Ma jirto
Ifka soomanay mariney (Sorry brothers/sisters, I
did not mean to remind you the good old days, please don't cry!!)
Bal ka waran haddaan wax ka maqalo Tubeec iyo Magool oo dabshidkii iyo nayruuskii caashaqa ku gudo jira:
Tubeec: Nayruusku waa ciid
Waa nagi aduunyadu
Waa nuur kalgacalkuye, naruuroy
Waa nuur kalgacalkuye, nasteexoy.....
Magool: Nayruusku waa ciid
Waa nagi aduunyadu
Waa naar kalgacalkuye, nasiidow
Nabaraa i gaadhoo
Ma nuuxnuuxsan karayee...
Waar bahalku noocyo badanaa, cajaa'ib!
Waryaa hada Magool siti-faadumada iyo nabi-amaankana way ku qaadaaye
iska jir:
......
Intii raacday nabigee
Rafiiqiisii noqotee
An rumaysay noqonee
Ku saliya rasuulkii (Rami salii calal xabiibi muxamed, wacalal aali
wasacbii wasalam).
Hore ayaan u sheegay inaanay ahayn heesaha Magool wax tiro lagu soo
koobi karo, tayo ayaabay waliba ku darsadeen, markaa WABIYO ISU OOMAN, ADIGUBA DHARAARAAD KA QOSLAYSAY DHOOSHA, MINANKIINII HADAAN IMI
iyo waliba kuwa kale oo farabadan aan habeen kale u dhigto(hadii Eebe
idmo).
Adiga garsoore halkee xaal kula marayaa, ma u garatay in Magool tahay BOQORADA CODKA ee fanka Soomaalida.
Ka baxaye bulshoy qabo!
M A Obsiya
Sysop: | Keyop |
---|---|
Location: | Huddersfield, West Yorkshire, UK |
Users: | 296 |
Nodes: | 16 (2 / 14) |
Uptime: | 63:12:57 |
Calls: | 6,654 |
Files: | 12,200 |
Messages: | 5,331,693 |