On 10/6/2018 2:54 PM, waosif@gmail.com wrote:

On Tuesday, July 8, 1997 at 12:30:00 PM UTC+5:30, Prerana Jayakumar wrote:

Hi,

I've been looking for the lyrics to the song "Chupake Chupake raath din
aa.soo.n bahaanaa yaad hai" sung by Ghulam Ali and from the movie
"Nikaah." I have not been able to find it anywhere on the web (including
the ITRANS song book). If you have or know the words, please send them.

Thank you

rani

raja

In case you are still looking for this ghazal by Maulana
Hasrat Mohani, here it is :


Chupke chupke raat din aaNsoo bahaana yaad hai
Ham ko ab tak 'aashiqi ka woh zamaana yaad hai

Baa~hazaaraaN iztiraab-o-sad~hazaaraaN ishtiyāaq
Tujh se woh pahle'pahal, dil ka lagaana yaad hai

Baar baar uThna usi jaanib nigaah-e-shauq ka
Aur tira GHurfe se woh aaNkheN laRaana yaad hai

Tujh se kuchh milte hi woh be'baak ho jaana mira
Aur tira daaN'toN men woh uNgli dabaana yaad hai

Kheench lena woh mira parde ka kona dafa'tan
Aur dupaTTe se tira woh muNh chhupana yaad hai

Jaan kar sota tujhe woh qasd-e-paa~bosi mira
Aur tira Thukra ke sar woh muskuraana yaad hai

Tujh ko jab tan'ha kabhi paana to az raah-e-lihaaz
Haal-e-dil baatoN hi baatoN men jataana yaad hai

Jab siva mere tumhaara koi deewaana na tha
Sach kaho kuchh tum ko bhi woh kaar~KHaana yaad hai

GHair ki nazroN se bach kar sab kī marzi ke KHilaaf
Woh tira chori-chhupe raatoN ko aana yaad hai

Aa gaya gar vasl kī shab bhi kaheeN zikr-e-firaaq
Woh tira ro~ro ke mujh ko bhi rulaana yaad hai

Do'pahar ki dhoop men mere bulaane ke liye
Woh tira koThe pe naNge paaNv aanaa yaad hai

Aaj tak nazroN men hai woh sohbat-e-raaz-o-niyaaz
Apna jaana yaad hai tera bulaana yaad hai

MeeThī meeThī chheR kar baateN niraali pyaar kī
Zikr dushman ka woh baatoN men uRaana yaad hai

Dekhna mujh ko jo bar'gashta to sau sau naaz se
Jab manaa lena to phir KHud rooTh jaana yaad hai

Chori chori ham se tum aa kar mile the jis jagah
MuddateN guzreeN par ab tak woh Thikaana yaad hai

Shauq men mehNdi ke woh be~dast-o-pa hona tira
Aur mira woh chheRna woh gud'gudaana yaad hai

Baa~wajood-e-iddi'aaye-ittiqa "Hasrat" mujhe
Aaj tak 'ahd-e-havas ka woh fasaana yaad hai





Afzal

--- SoupGate-Win32 v1.05
* Origin: fsxNet Usenet Gateway (21:1/5)